«Дзеля будучыні». Свое меркаванне па зменах Канстытуцыі выказала работнік СВК «Агракамбінат Сноў»

Марыя Рацкевіч, аператар машыннага даення СВК «Агракамбінат Сноў»:

— Пазанёмілася з праектам змяненняў і дапаўненняў Канстытуцыі Рэспублікі Беларусь. Яны зроблены з улікам патрабаванняў часу. І я заўсёды галасую за добрыя перамены. За нашу сінявокую Беларусь, якую я вельмі люблю, за чыстае неба над галавой. А захаваць усё гэта мы зможам толькі пры моцнай дзяржаве. І нікуды не варта, што невялікая колькасць нязгодных з палітыкай нашай улады ў 2020 годзе спрабавала ўчыніць дзяржаўны пераварот, ператварыла прыгожы, чысты Мінск у разгул вандалізму, пасеяшы прававое бязмежжа. Для нас, мірных, талерантных беларусаў такое непрыймальна. А што рабілася нядаўна ў Казахстане!

— Наша канстытуцыя з’яўляецца гарантам бяспекі дзяржавы. Я 38 гадоў адпрацавала ў сваёй роднай гаспадарцы, агракамбінаце “Сноў”. Бачыла і бачу, колькі намаганняў укладвалася і ўкладваецца для яе развіцця, для паляпшэння нашага дабрабыту. Усё гэта неабходна цаніць і берагчы. Я брала ўдзел у другім Усебеларускім народным сходзе ў 2001 годзе. Пераканалася, якую вялікую ролю адыгрывае ён у дзяржаўным будаўніцтве Беларусі. Правільна, што Канстытуцыя замацуе паняцце пра яго як пра вышэйшы орган народаўладдзя. Наша рэспубліка ўзнаўлялася з попелу Вялікай Айчыннай вайны, устала з кален пасля эканамічнага, палітычнага і сацыяльнага падзення 1990-х гадоў, многага дасягнула. Давайце зберажом стабільнасць, спакой на роднай зямлі і завяшчаем гэта дзецям, унукам, праўнукам. Пра іх будучыню, іх лёс неабходна думаць сёння.