Як і ў мінулыя гады, сёлета таксама прадстаўнікі грамадскіх арганізацый напярэдадні 1 верасня з падарункамі наведваюць сацыяльныя ўстановы, дзе выхоўваюцца дзеці.
Старшыня Шаркаўшчынскай раённай арганізацыі прафсаюза работнікаў аграпрамысловага комплексу Таццяна Альшэўская завітала да выхаванцаў сацыяльна-педагагічнага цэнтра.
Таццяна Мікалаеўна прывезла хлопчыкам і дзяўчынкам пісьмовыя прыналежнасці, якія маленькім вучням спатрэбяцца на школьных уроках. Яна таксама пажадала дзецям выдатнай вучобы, прыкладных паводзін, выдатнага настрою, з якім яны абавязкова пойдуць на заняткі 1 верасня.
Па матэрыялах газеты «Кліч Радзімы»