Старшыня Віцебскай абласной прафсаюзнай арганізацыі работнікаў АПК Таццяна Ярома ўзнагародзіла механізатара ААТ “Буеўшчына” Алега Падобу.
Механізатар ААТ “Буеўшчына” Алег Падоба працуе на трактары “Беларус” МТЗ-82. Якую б работу Алегу ні даручылі, ён яе выконвае эфектыўна і сумленна. Вось і сёлета засеяў ажно 934 гектары азімых збожжавых культур у счэпе з сеялкай СЗТ-5,4. Дарэчы, гэты паказчык з’яўляецца лепшым не толькі ў Шаркаўшчынскім раёне, але і ў Віцебскай вобласці.
Павіншаваць механізатара з працоўнымі дасягненнямі ў гаспадарку прыехала старшыня Віцебскай абласной прафсаюзнай арганізацыі работнікаў АПК Таццяна Ярома. Яна ўручыла дыплом і каштоўны падарунак. Да віншаванняў далучыліся таксама старшыня Шаркаўшчынскай раённай прафсаюзнай арганізацыі работнікаў АПК Таццяна Альшэўская, намеснікі кіраўніка ААТ “Буеўшчына” Аляксандр Гернат і Станіслаў Хашкоўскі.
— Пасля сяўбы я займаўся уздымам зябліва, — кажа Алег Казіміравіч. — І цяпер, калі прыйшла зіма, я без працы ніводнага дня не бываю. Мы нарыхтоўваем дзелавую драўніну ў Полаўскім лясніцтве для патрэб гаспадаркі.
Кліч Радзімы